Mety efa hitanao
fa ny zavatra rehetra dia manomboka amin’ny fahitana iray. Andeha ahatakatra ny
fomba ahazoana izany fahitana izany isika ho an’ny fiainantsika. Fotoana izao
ampiharana ireo fahalalana. Noho izany ary, andaho hiasa, na marimarina kokoa,
andeha hampiasa penina sy taratasy.
1. Mivavaha
am-pahatsorana amin’Andriamanitra ary mangataha Aminy ny mba hanokatra ny
fisainanao, hitarika ny eritreritrao, ary hanampy anao hamokatra fijery ho an’ny
fiainanao.
2. Manomboha
manoratra amin’ny taratasy ny zavatra rehetra izay tianao ahatongavana / tianao
hatao / tianao hananana eo amin’ny fiainanao.
3. Aza ferana ny
isan’ny zavatra soratanao. Avelao hikoriana ny fanirianao. Satria tena tianao
tokoa izany ka raha manana finoana na dia kely aza ianao sy fanantenana fa
hitranga izany indray andro, dia soraty eo amin’ny taratasy izany.
4. Manorata
zavatra mikasika ny lafiny rehetra eo amin’ny fiainanao : fianakaviana,
ara-pitiavana, ara-panahy, fanabeazana, ara-pahasalamana sy toe-batana, asa
aman-draharaha.
Noho izany dia
tehirizo ity lisitra ity dia ho tohizantsika ao anatin’ny lahatsoratra manaraka
izany. Raha azo atao, dia ataovy dieny izao izany satria mbola mazava tsara ao
an-tsainao. Mety hila eo amin’ny 20 minitra eo eo ianao, ary tsy an-kanapaka.
Ataovy e, sy mba mila fahitana ho an’ny fiainanao ianao ? Noho izany aza
manome fialan-tsiny. Raha tsy afaka manasaraka 20 minitra ianao izao, dia jereo
ny « calendrier »-nao ary mangalà fotoana aminao ihany mba hanao
izany. Ary aza ajanona indray izany fivoriana izany.
